PALETAS DE PINTOR...

PINTURA RIMA CON LECTURA

Este é o lema do noso proxecto e aquí, en cada unha das paletas de pintor que vedes, están sinalados as pintoras e pintores seleccionados para traballar o mundo da arte e da pintura.

YOSEBA MURUZÁBAL

O pintor Yoseba Muruzábal está a piques de rematar o gran mural nunha parede do colexio. Hoxe recibiu a visita de moitos nenos e nenas e contestou ás súas curiosas preguntas, fixéronlle unha entrevista e presentounos na biblioteca un vídeo sobre o seu traballo.
Moitas grazas Yoseba!

VIVA O ENTROIDO!

Polo  entroido as aulas e os patios do colexio enchéronse de disfraces e comparsas. Moitos deles relacionados co mundo da pintura. Alí estaban Maruxa Mallo, Menchu Lamas...

Podedes ver as fotos na galería de imaxes da páxina web do noso cole. Aquí van algunhas.

A REGUEIFA DO ENTROIDO DAS FONTIÑAS

En Fontiñas tivemos regueifas e polo tanto, regueifeiras. Aquí vos van para recordalas:

Aquí estamos regueifando

no colexio das Fontiñas,

cantándolle ao Entroido

unhas coplas ben feitiñas.

Unhas coplas ben feitiñas,                                          

este ano hai proxecto

de pintoras e pintores

imos contarvos a historia.

Inundada de mil cores

está Marta Cabaleiro

ela naceu no Porriño

que fai cadros moi bonitos

pinta con moitos puntiños.

Menchu Lamas é viguesa

pinta con moita paixón

ela deixa en cada cadro

anacos de corazón.

E aquí en Santiago

xogou Euxenio Granell,

viviu aquí a súa infancia

e pintaba con pincel.

Chega o surrealismo

da man de Maruxa Mallo

ao igual que o peliqueiro

cando toca o seu chocallo.

Seoane, ou Don Luis

debuxante e escritor,

arxentino e coruñés,

era un gran orador.

Manuel Pailós era moito!

Un artista integral,

tanto pintaba un cadro

que esculpía un animal.

Hai pintura en galego,

tamén no Renacemento,

pois na nosa terra sempre

desbordamos co talento.

Cando tiña nove anos

á Coruña veu vivir

un bulideiro Picasso

que tiña un gran porvir.

Imos dar a despedida

deste Entroido das mil cores.

Gozade moito da festa,

repartide paz e amores.

  

MULLERES QUE FAN HISTORIA

Para este concurso foron seleccionadas cinco pintoras de varias épocas, estilos e nacionalidades. As bases e pistas están expostas no taboleiro así como no blogue da biblioteca e na páxina web do colexio.