Para comenzar...
Un PINTOR de augas profundas!!!
miércoles, 25 de enero de 2017
martes, 24 de enero de 2017
BIBLIOTECA ESCOLAR, TERRITORIO DAS ARTES: PINTURA RIMA CON LECTURA
“Diríase que a arte xurdeu coma un poldro que se bota a
andar nada máis nacer”.
John Berger
Conta John Berger nun escrito titulado Le Pont d’Arc, unha visita que realiza á
cova de Chauvet onde se conservan as pinturas sobre rocha máis antigas que se
coñecen. Alí, entre pegadas de pigmento de óxido vermello e trazos de carbón
vexetal negro, na escuridade da cova, fai o autor esta luminosa reflexión sobre
o nacemento da arte.
Algúns milenios despois das primeiras pinturas rupestres,
queremos no noso centro adicar á pintura o proxecto de investigación coordinado
desde a biblioteca escolar.
PINTURA RIMA CON LECTURA, así que teremos que aprender a
ler nos cadros, a manexar libros sobre pintura, a buscar información na rede.
Teremos que poñer os pinceis a remollo e facer trazos e mesturas. Veremos que
pasa. Investigaremos. Quen sabe o que pode xurdir no proceso; quizais o único
que non fagamos sexa pintar nos libros.
Nós o que queremos é estar nese camiño do poldro que se
bota a andar nada máis nacer.
Suscribirse a:
Entradas (Atom)